შპს გურამ დევდარიანის საავტორო ფიზიკა-მათემატიკური სკოლის ერთწლიანი სამოქმედო გეგმა

2023-24 სასწავლო წელი

შპს გურამ დევდარიანის საავტორო ფიზიკა-მათემატიკური სკოლის ძირითადი ამოცანებია:

მომავალი თაობის სწორი აღზრდა-განათლება, მათთვის საზოგადოებრივი ცხოვრებისათვის საჭირო უნარ-ჩვევების ჩამოყალიბება, სწავლა-სწავლების მაღალი ხარისხის უზრუნველყოფა და უსაფრთხო გარემოს შექმნა, სკოლის ძირითადი მაოცანაა.

სკოლაში საგანმანათლებლო და სააღმზრდელო პროცესი ემსახურება პატრიოტი, დამოუკიდებელი, შემოქმედებითი, მუდმივად განვითარებაზე ორიენტირებული, ინფორმირებული და ამ ინფორმაციის ადეკვატურად გამოყენების უნარის მქონე, ბუნებრივი გარემოს დამცველი, კანონმორჩილი და ტოლერანტი ადამიანის აღზრდას. სასწავლო პროცესი ორიენტირებულია თითოეულ მოსწავლეზე და ითვალისწინებს მათ ინტერესებს, შესაძლებლობებს, საჭიროებებს. მისიიდან გამომდინარე, სკოლა საკუთარი მიზნების მისღწევად ითვალისწინებს შემდეგი ამოცანების გადაჭრას:

1. დაწყებითი საფეხურის ძირითადი ამოცანები:

ა) შეუქმნას მოსწავლეს პირობები საკუთარი შესაძლებლობების გამოსავლენად და სწავლისათვის საჭირო უნარ-ჩვევების გამოსამუშავებლად;

ბ) ჩამოუყალიბოს მოსწავლეს სწავლისადმი პოზიტიური დამოკიდებულება და სამყაროს შემეცნების მიმართ ინტერესი;

გ) შეუქმნას მოსწავლეს პირობები და ჩამოუყალიბოს საფუძვლები შემდგომ, საბაზო საფეხურზე სწავლის წარმატებით გასაგრძელებლად; იმ ცოდნის დასაუფლებლად, უნარ-ჩვევების გასავითარებლად და დამოკიდებულებების ჩამოსაყალიბებლად, რომლებიც მას მომავალში დასჭირდება.

2. საბაზო საფეხურის ძირითადი ამოცანები:

ა) დაეხმაროს მოსწავლეს ზოგადი განათლების ეროვნული მიზნების მიღწევაში;

ბ) შეუქმნას მოსწავლეს პირობები იმ უნარ-ჩვევების გასავითარებლად, რომლებიც განსაკუთრებით მნიშვნელოვანია მთელი ცხოვრების განმავლობაში;

გ) შეუქმნას მოსწავლეს წინაპირობა სწავლის გასაგრძელებლად, ან შრომით ბაზარზე სწორი არჩევანის გასაკეთებლად.

3. საშუალო საფეხურის ძირითადი ამოცანები:

ა) შეუქმნას მოსწავლეს პირობები თანამედროვე მოთხოვნების შესაბამისი განათლების მისაღებად

ბ) დაეხმაროს მოსწავლეს მომავალი არჩევანის გასაკეთებლად (სწავლის გასაგრძელებლად და/ან შრომით საქმიანობაში ჩასაბმელად);

გ) მისცეს მოსწავლეს ხარისხიანი სრული ზოგადი განათლება.